भारतात Samsung चा Galaxy A12 स्मार्टफोन लाँच, पहा price आणि फीचर्स

सॅमसंगने बजेट स्मार्टफोन Samsung Galaxy A12 ला पुन्हा एकदा भारतात लाँच केले आहे. सॅमसंग कंपनीने सर्वात प्रथम या स्मार्टफोनला फेब्रुवारीमध्ये मार्केटमध्ये उतरवले होते. नवीन मॉडल Samsung Galaxy A12 मध्ये प्रोसेसर बदलले आहे. या स्मार्टफोनमध्ये MediaTek Helio P35 च्या ऐवजी आता Exynos या प्रोसेसरचा वापर करण्यात आला आहे. Exynos-प्रोसेसर असलेला सॅमसंग गॅलेक्सी A12 या स्मार्टफोन आठवड्याच्या सुरुवातीला रशियामध्ये Samsung Galaxy A12 Nacho या नावाने लाँच करण्यात आला होता. तर या स्मार्टफोनमध्ये क्वॉड रियर कॅमेरा सेटअप आणि सेल्फी कॅमेरा डिस्प्ले नॉच मिळत आहे.

Samsung Galaxy A12 ची भारतामधली किंमत

नवीन सॅमसंग गॅलेक्सी ए12 हा स्मार्टफोन 2 व्हेरियंटमध्ये लॉन्च करण्यात आला आहे.

4GB रॅम प्लस 64GB स्टोरेज आणि 

6GB रॅम प्लस 128GB स्टोरेज असे 2 व्हेरिएंट आहेत.

तर स्मार्टफोनच्या ४ GB मॉडलची किंमत ही १३ हजार ९९९ रुपये आहे. व ६ GB मॉडलची किंमत १६ हजार ४९९ रुपये ठेवण्यात आली आहे. हा समार्टफोन ब्लॅक, ब्लू, आणि व्हाइट या रंगामध्ये उपलब्ध होणार आहे. तर या स्मार्टफोनला सॅमसंगच्या इंडियन Website वरून खरेदी करू शकता.

Samsung Galaxy A12 Specifications

६.५ इंचाचा HD+ (720x1,600 पिक्सल) TFT डिस्प्ले मिळत आहे. ऑक्टा-कोर Exynos 850 प्रोसेसर या स्मार्टफोनमध्ये मिळतो. 6GB रॅम आणि 128 GB स्टोरेज असून स्टोरेज वाढविण्यासाठी मायक्रोएसडी कार्डचा वापर करता येते. या कार्डच्या मदतीने 1 टीबीपर्यंत याची मेमरी वाढवता येवू शकते. या फोनचा OS अँड्रॉइड 11 असून One UI Core वर काम करतो. तर या स्मार्टफोनमध्ये आपल्याला साइड माउंटेड फिंगरप्रिंट सेन्सर सुद्धा मिळतो आहे.