मुंबई उपनगर जिल्हा कौशल्य विकास, रोजगार व उद्योजकता मार्गदर्शन केंद्रातर्फे आज मालाड येथील बीएमसी फुटबॉल ग्राउंड परिसरात आयोजित पंडित दीनदयाळ उपाध्याय रोजगार मेळाव्यात १ हजार ३२५ नोकरी इच्छूकांनी सहभाग घेतला. राज्याचे कौशल्य, रोजगार, उद्योजकता आणि नवोपक्रम मंत्री मंगलप्रभात लोढा यांच्या उपस्थितीत आज सकाळी या बैठकीचे उद्घाटन झाले. यावेळी खासदार गोपाळ शेट्टी यांच्यासह स्थानिक लोकप्रतिनिधी, विविध कंपन्यांचे प्रतिनिधी, नोकरी इच्छूक उपस्थित होते.
मेळाव्यात 33 कंपन्या, उद्योग आणि आस्थापना आणि 7 सरकारच्या आर्थिक विकास महामंडळांनी सहभाग घेतला. कंपन्यांनी रोजगारासाठी 8 हजार 135 रिक्त जागा उपलब्ध करून दिल्या होत्या. हिंदू रोजगार डॉट कॉम, अभिनव इन्स्टिट्यूट ऑफ टेक्नॉलॉजी अँड मॅनेजमेंट, अॅन्ड्रोमेडा सेल्स, एअरटेल, सॅपिओ, कोटक महिंद्रा, कल्पवृक्ष, एलआयसी ऑफ इंडिया यासारख्या कंपन्या या कार्यक्रमात सहभागी झाल्या होत्या. मेळ्यामध्ये सुमारे 285 उमेदवारांची विविध कंपन्यांनी प्राथमिकरित्या निवड केली होती, तर 20 उमेदवारांना नोकरीसाठी निवडण्यात आले आहे.
